La Capielha d' l Sprito Santo

  Probablemente a quien ls scrinheiros tenem mais deboçon, l Debino Sprito Santo, que tem la capielha a el dedicada  al fondo d´l lhugar. Acerca desta capielha hai muito que dezir, bou a screbir algo sobre eilha para quiem bir se quede a saber algo mas.

 Quando fui la primeira veç que esta capielha foi eidificada num se sabe mas todo andica que serie no anho de 1683 cumo andica uma piedra que se ancontra na saquestie cum essa era grabada 

  La capielha na forma actual fui erguida no anho de 1747, cumo andicado n'l uolho-de-bui de la frunteira.
  De todo l cunjunto de la capielha, ye cierto que l que mais queda na nuossa memoria, son l cabanhal exterior e l retablo de l'altar. L cabanhal assenta sobre seis colunas de cantaria i tem um todo al redor uns talhos de piedra. Esta strutura serbie an tiempos para abrigo
de furasteiros y peregrinos
 N´l retablo de l'altar staca-se el relebo que mostra la decida d´L Sprito santo sobre ls apostlos i Nuossa Senhora. Nesse altar hai mais dues eimaiges que bale la pena falar neilhas. Ua ye la eimaige de Nuossa Senhora d'l Remédios, que segundo la tradiçon fui mandada fazer pra la lhebar para ua outra capielha que se habie de cuntruir an Ourdaç. Cumo essa obra nunca quedou cuncluida la eimaige quedou na capielha. La outra eimaige ye de Nuossa Senhora de las Dores ou Nuossa Senhora d´l pie de la Cruç, que era la eimaige que premitibamente iba na precisson de l'antierro del Senhor quando habie Andoenças. Ainda drento de la capielha se ancontra tamien la eimaige d'l Senhor d'ls Passos

  La stória desta capielha num queda solo por eiqui. Ante principios d' l seclo XX, eixistiu ua grande confraria d´l Debino Sprito Santo, que tenie armanos spalhados por estes alredores. Muitos bos recordaeis d'l sitio onde eram guardadas las esmolas e ls pagamentos de la confraria ou sei la Casa de la Paneira que s´áncuntraba na rue de la Paneira. la casa tenie uas tulhas para guardar l pan de las oufertas l Sprito Santo. Para que se quede cum ua eideia de cumo era l tamanho de las tulhas basta dezir que apuis de la confraria s'extinguir serbiram de celheiro de la EPAC.

  Num puodo terminar sim falar de toda la religiosidade que anda de buolta de l Sprito Santo. Era a El que antigamente se recorrie an anhos de seca, fazendo se nobenas, anque desde la hora que ampeçacen ante que encerrasse la capileha tenie de tener siempre gente nuite i die. Quando habie troboadas, i isso inda you l fiç, i inda hai quien l faga, toca se la campanina, y diç l pobo que se spalha la nubrada d'l termo de Bila Seco.

 Todos ls anhos n'l Deimingo de Pentecostes, la Pascoa del Sprito Santo, cumo se diç an Bila Seco se fai la fiesta desta capielha. Este anho calhou no die 23 de maio eiqui quedam ls retratos para quiem num biu.