Stamos na béspera de l die de l padroeiro.....................

Nun ten habido grande bagar para atualizar l blog, pus ja sabeis cumo ye!!!!
Hai que tratar de las hortas, ir al feno, fazer la segada i tirar ls brabos a la bínha!!!!

Mas stamos na béspra de l Santiago, ye die santo grande, hai que guarda lo.
Anton sera melhor ampeçar a por ls garrafones de cinco lhitros a diçscar i atar las cholas para beilar.

La fiesta ye ne l molde de ls outros anhos i quien inda nun se anscrebiu que fale culs mardomos l mais rapido, para que nun falte nada.

La Semana Santa

Baile d´la Pascoa

Cumo ye questume todos ls anhos ne l demingo de Pascoa hai beile!!!!
Astanho será abrilhantado pul Grupo Musical Triangulo


I nun bos squeçades, ne l sesta hai torneio de suéca a ber se ajudamos ls mardomos!!!!!

Yá cheira la Primabera .......................

Nun houbo grande bagar para atualizar l blog, mas agora ls dies yá son grandes yá ampeça a apetecer salir de la borda de l lhume i dar ua buolta por ende.....

yá bamos chegando al tiempo buono, yá ampeçan a florir las cousas, ampeçando pulas nabiças, acabórun se ls grelos......

la rieira yá corre serena, yá nun lhieba auga barrenta........i las ranas yá tocan l ranicalho a la nuite....

i quien nun conhece este cerejeiro?

..... yá hai yerba bastante que ls cordeiros yá stan bien buonos pa la Páscoa.....

Ls foguetes de l'abho nuobo

L Anho Nuobo antrou al sonido dua çcarga de foguetes i dun repiquete!!!

Eiqui, queda un pequeinho bideo para ber. Peço çculpa pula baixa culidade, mas l reporter i la camara éran fracos!!!

Feliç anho nuobo...................

Yá que nun houbo tiempo para zeiar uas buonas fiestas, la scrinheirada zeia a todos ls scrinheiros i todos ls bejitantes un bun anho de 2011.

Çpeço-me culas eimaiges de l Natal de 2010!!!

Onte nun fui nebada mas si nebon!!!

Onte si, mandaba quitó!!!
Un baliente nebon inda antes d'acabar l'outonho. Para que l manto branco dure mais tiempo durante la nuite gelou!!!!